بقلم علي عواضة
قصيدة زجل مهداة الى الدكتور أنور الموسى
سمعو وجع حنيني من فؤادي
انا عندي ارض بعبد ترابها
حرام يا ناس تبعدوني عن بلادي
بلادي بدها مثلي شجاعة
و انا جاهز يا وطن بكامل عتادي
ما بريد بيعك بأغلا البضاعة
و لا بريد كون للعدو واقف حيادي
تا تمر ادام عيني المجاعة
و ينحرق وطني ع ضفة نهر بالوادي
و ما بدي الحظ يخدم ربع ساعة
ينقتل اطفال البرأة اصغر من ولادي
نياب الذيب ب هيك مجاعة
ت ياكل طفل بورد ربيع عم يدادي
انا فدا الوطن ساعة و ساعة
و لا تخاف يا وطن عندك ايادي
تهب وقت شدي و تحمي الطفالا
و لا تواخذوني هيدا كان اعتقادي
نولدنا و سلاح المقاوم بالعلايا
مرفرف رصاصو و داحي الاعادي